35岁「昇海」黄宗泽(Bosco)「奸」人气弹起，凭《幕后玩家》做不择手段嘅世纪贱男，令唔少大台观众睇得好肉紧，今日有周刊爆Bosco直认年底离巢外闯，亦有意签俾邵氏，认为邵氏都系一个好选择，佢都想同大台维持良好关系，亦会有合作，佢喺报道话自己都饮水思源喺大台拍左十几年，将来合作开心就拍，唔会限一年拍几多套。

Bosco喺报道中亦认几年前已想开工作室，不过一直冇对外讲，工作室都系管自己嘅job，冇演艺项目投资，详情要两个月后先可以讲。佢更讲起感情状况，直言日籍女友Jun嚟香港时，已见家长，之但系Bosco目前要专心工作，成日中港两边走，同日籍女友只可以靠message传情。

对于今年拎唔拎到视帝，Bosco坦言对奖项向来冇羊所谓，有人投票支持，得奖嘅当然开心，有观众欣赏演技都好满足，认为有时拎奖可能会被质疑，好似觉得你就嚟约满先颁俾你，又或者拍左好多套戏先颁俾你，所以Bosco先对奖项冇羊追求。
有传媒今日问过Bosco，佢透露出年年中先约满，虽然有报道咁讲，不过Bosco就改口风：「约都未搞掂，迟啲再公佈。」

《野蛮奶奶大战戈师奶》戈德 《女拳》雷正龙 《好心作怪》姚月山

Bosco与日籍女模Jun(左)因拍广告挞着，Jun为爱郎成日嚟香港