咩叫“欠债还钱天经地义”？
就係 你有难时我借钱畀你，你有钱时要还钱，哩啲先係欠债还钱。
然而事实係，而家係讨薪，唔还债。真正要还债嘅係中国足协。
当年金元足球时期，签咗一堆高价球员，而且各种赢球奖金，享受住最顶级嘅医疗设备，讨薪之中的有几多係值嗰个价钱嘅，相信大家心中有数。
当然，合同係大家当年签嘅，毕竟当年俱乐部有大水喉，自己挖咗个大坑畀自己，你要讨薪係合法行为，无可厚非。
但重点係，俱乐部冇话唔还，以目前嘅经济情况，係希望分期。事实上有一批人都愿意接受分期。
例如，简拿华路比你地班25仔球员要贵得多，要攞齐啲欠薪肯定比其它人要漫长，但人地亦愿意分期。
道理非常之简单，因为只有球队继续喺度，先可以继续有机会攞到佢想要嘅欠薪，否则一拍两散，一个真正係为咗欠薪嘅人，稍微用个脑谂下都知道会点选择。
但如果你并唔係单纯想要欠薪，而係另有目的，大家一拍两散，就係借讨薪之名嚟搞事。