◇◆﹏『Winki°小公主丶新闻』萬寧妹妹人多嘴扁扁

................

萬寧妹妹王允祈同曾參演《殺人犯》嘅譚真一噚日到油塘一間學校出席「有朋自北川來 Happy Tee Time」活動，有廿幾個嚟自四川地震災區嘅北川中學生嚟做交流。譚真一出場時拖住王允祈，不過王允祈可能見到太多人，突然扭計，仲成日扁嘴想喊咁，要媽咪同司儀阮小儀佢先至識笑。
王允祈仲要畫公仔，再由北川嘅同學寫出佢所畫公仔嘅英文字，相反一哥譚真一就一啲都唔怯場，表情多多之餘又用英文同北川嘅同學溝通。由於今次嘅活動係同日本卡通人物蠟筆小新 crossover，所以大會安排咗蠟筆小新卡通人物同班學生影合照，王允祈見到蠟筆小新即時開心番。
事後小儀話女仔係比較怕醜同難控制，佢仲話希望將來生兩個小朋友，但暫時同男友未有結婚打算，佢講笑話到時生得出先算，不過佢一定唔會未婚產子，因為怕男友唔認數。小儀仲大讚拍檔森美兩個仔女都好乖好有禮貌，把口絕對唔似森美咁。