┪MimiLo┡【杂志】[FACE周刊第150期]女人的大志 罗敏庄

我要的幸福
去年 12月 4日正式签字注册结成夫妻，为表爱乌及屋， 42岁的大男人陈国邦特别在胸前扣上罗敏庄最爱的 Hello Kitty公仔。
结婚不到 4个月的罗敏庄，说起全城热门话题「 Sa基恋」特别感慨：「公布结婚同时又话搞紧离婚……系呢行至会发生呢啲事……可能要去到佢哋嘅位先知事业同感情应该有个取舍，可能要红到一个地步，就自自然然连结婚咁大件事都可以收埋几年……所以我做唔到嗰啲位罗。」
去年 12月 3日宴请同事、好友， 12月 4日举行注册仪式再宴请亲戚，得到 42岁的陈国邦的爱，对罗敏庄来说，是最幸福的事，理所当然要让所有人知道。
「我唔怕同人讲，系我追佢 o架！我喺 TVB第二套剧《云海玉弓缘》同佢做对斗气冤家，好快就觉得，咦！呢个人平时唔声唔声，一 roll机就变咗第二个嘅？我啲对白仅仅读熟，点解同佢第一次对剧本，佢望都唔使望所有嘢已经入晒脑嘅？连导演都可能未搞清楚流程，点解佢可以知晒呢？点解有人做功课除咗自己嗰份，连全套剧每个角色每个场口都了解得一清二楚呢？就系咁，呢个好认真好专业嘅男人，不知不觉喺我眼中变得会发光。佢份人认真，我日日撩佢讲嘢嘅话题就唔敢似平时咁无聊；佢钟意饮奶茶，我每日返工会带一杯   佢；我住红磡，就日日话『顺路啫』车佢返屯门屋企，跟住再约佢食饭、去街，有日话佢听：『我钟意咗你！』佢面红红咁讲咗一句：『你唔好咁啦，我好易钟意人 o架！』就走咗去。咁即系点啫……佢句说话真系搞到我一头雾水……不过下次再见面，佢主动拖起我只手……」


点知你几时死？
其实四年前，陈国邦就说过，跟罗敏庄一起的每一天都舒服都美好，结不结婚，早就认定这辈子要跟她在一起。去年，为了成全双方家长的心愿，终於注册。同居多年又以为是仪式而已，直到父亲把自己交给陈国邦时，罗敏庄才第一次见识到，她的男人原来可以哭成这样。
「爸爸拖住我出场，问佢会唔会好好照顾我，陈国邦本来点头，爸爸即刻拉住我唔放手：『我要听你亲口讲！』一路话：『我会！』，陈国邦一路已经喊到收唔到声。呢下，我真系冇预料。我都以为，住埋咁多年，结唔结婚分别不大，原来改口叫老公、听佢嗌我老婆，真系唔同……前两日之嘛，佢嬲我迟到，我预咗佢一定发火，卒之，唔只冇，平时唔识讲笑嘅佢，再 SMS我话：『温馨提示，你阵间开工，唔好迟啦！』
「结婚以后，好明显佢好珍惜两个人o依家拥有嘅嘢，好明显佢会揞住自己道气，避免同我嗌一场无谓交……今日呢个访问，原本佢都话嚟。老公o依家开紧《女人最痛》同《约旦之约》两套剧，我叫佢难得有日假就喺屋企唞吓啦，老公话：『点知你几时死，有时间就梗系想陪多啲你啦！』佢系唔识讲嘢，但我谂落，好 sweet。」
小女人们都一样，喜欢大男人工作起来魄力非凡，生活却需要人照顾提点：「以前同阿妈住，我乜都唔识煮 o架。同佢一齐之后，佢钟意食我就变得钟意煮，o依家，请客食饭一个人搞一围小菜，我冇问题 o架！佢份人，剧本永远唔会漏，银包、锁匙就日日唔记得，成日打   我话冇钱食饭、冇门口入；对白唔会忘记，但系阿嫲明明过咗身，突然有日，佢会以为约咗阿嫲食饭……真心话，我真系唔介意做大配角，到咗我呢个年纪，打份自己钟意又做得开心嘅工，父母健在乐也融融，每日简简单单去买菜煮饭，同老公食个饭倾吓偈，就已经系最大福分。」 

师奶又如何
何文田爱民邨长大，娘家如今在红磡家维邨的罗敏庄，父亲是警察，早年做 CID受伤后转为文职，母亲是家庭主妇，有个弟弟。虽然不算是浓眉大眼的标准美人，中学时代总算生得精灵可爱，「我中学就被星探发掘做『 o靓模』，拍过嘉顿饼乾、 Pizza Hut好多电视广告。毕业之后入读演艺学院，第一年就被音乐制作人安格斯（亦是发掘陈慧娴和黎瑞恩的人）发掘停学出唱片。」一世人中规中矩无风无浪，罗敏庄最自负的就是自己赢尽大小学界、社区歌唱比赛的歌喉，其实曾经有过做乐坛天后的宏愿。
「我同陈慧琳同年出道，我梗系知自己唔可以同佢斗靓女啦！不过，论唱歌，我唔比人差，原本以为，努力啲可以杀出一条血路做实力歌后。」 

“我唔怕同人讲，系我追佢 o架……同老公食个饭倾吓偈，就已经系最大福分。”
其实罗敏庄是 95年的「叱咤生力军银奖」得主，处女 EP《心软》据说至今在胆机界仍然炒价高企却仍然渴市。只好叹一句生不逢时， 90年代中，郑秀文如日方中，唱片公司华纳和高层李进更是集中所有公司资源继续把她捧上天，罗敏庄於是零宣传零关注下出道，两年后又因为与经理人闹不合离开乐坛，加入港台做全职 DJ。从此以后，好声音只会在玩票录制的翻唱专辑中，供发烧友和有缘人欣赏；巴渣师奶仔角色入晒屋，上《超级巨声》踢馆，才等到一次施展被 Miss Chan Chan评为零瑕疵的歌艺。
「《超级巨声》嗰次，讨论区好多人话唔知我出过碟……一啲都唔奇，连我老公都唔知我系歌星出身啦！陈慧琳一出道就红到咁，差唔多时期嘅陈奕迅、杨千嬅一早都做咗天王天后，我系试过唔忿气，不过好快就明呢行游戏规则，亦都唔到你唔明。乐坛难立足，电视台年年咁多选美咁多靓女入行，咪仲难立足！人哋靓嘅都争唔嚟，更何况我？好多人话佘诗曼嗰啲花旦 35岁仲要扮 o靓妹，其实佢哋都唔想，因为后生嗰班未成气候啫。所以肯做中年师奶仔嘅演员变得缺货，我咪自自然然摄到位。我真系唔介意套套剧做配角，做师奶做到入型入格，咁咪证明我成功罗！呢样嘢，我老公教嘅！」


哭得出来
说起婚礼上陈国邦哭得失控，罗敏庄立即眼湿湿。我记得上次专访，陈国邦说道：「和罗敏庄一起，让我的起心肝检查身体医好啲病，因为我咁至可以长命过佢，唔掉低佢一个。」罗敏庄也是当下就掉起眼泪。
有感情，眼泪说来就来，陈生陈太在我心目中，演技没话说，感情也真切。
至於有些事先准备好纸巾，想哭但是哭不出来的人，我想，应该是既欠缺感情，演技也还有待磨练。
撰文：朱小博   摄影：林子贤
化妆、发型：形象： Joyce
服装： Duras Ambient、 Tiamo、 Adidas、 Tros 

去年 12月 4日正式签字注册结成夫妻，为表爱乌及屋， 42岁的大男人陈国邦特别在胸前扣上罗敏庄最爱的 Hello Kitty公仔。

97年离开主流乐坛后，罗敏庄陆续出过 7张翻唱专辑：「应该卖得 ok至有人搵我继续出，不过每只我实质收入只得一万几千，绝对搵唔到食，唱歌只可以当兴趣。」


廿几岁就喺电视台做师奶角色的罗敏庄说：「我中学年代已经拍广告赚外快， 20年前， 15岁人就扮紧 25岁 OL。（快图美影视店广告）」 

紧接其后的《老公万岁》，罗敏庄继续爆炸头，继续演她最擅长的小心眼又夸张巴渣的师奶仔。

情人节特备剧《情人眼裏高一 D》，外形被化妆加倍丑化的王祖蓝有个街市婆挚友，正是罗敏庄。

每次两人一起出现，一定是托着手，sweet啊~