袂當，無法度。
樓主你應該是咧講臺灣延續使用到今的彼套37个字母的ㄅㄆㄇㄈ「注音符號」。
若是；袂當，無法度。無法度提伊來拼寫閩南語的字詞音。
因為彼套37字母ㄅㄆㄇㄈ「注音符號」，是替國語(也就是普通話)這个無仝語言的音韻系統，
來設計的一套拼音符號，所致無法度直接而且無法度完全拼寫出閩南語的字詞音。
若硬欲用，會像欲用1958拉丁「漢語拼音」來拼寫仝款，會拼甲、創甲四不象。
雖罔佇1940年代的尾期，有學者佇臺灣借用彼套37字母ㄅㄆㄇㄈ「注音符號」的符號做基礎，加設計、加添一二十个語音符號，成做一套會當來替閩南語拼注音的閩南語注音符號。不而過，因為過無偌久，就受著大力「推行國語」(差不多相當大陸的「推普」)的壓制，禁止教臺語/寫臺語，甚至處罰禁止佇學校講臺語；彼套閩南語注音，當然就完全無機會公開來推捒湠開流行。
幾十冬了後到今，雖然臺灣有誠有份量的閩南語辭典(紙本辭典，毋是線頂辭典)，是使用彼套來注音；而且猶有人想欲來推廣彼套注音。毋過，時機已經過去矣。電腦佮網路的技術足少支援彼套；若欲主動使用來注音，足無利便。十足重要的一點是，無國家的力、政府單位有通好運用公共資源，來支持推廣。像按呢，欲有通好變做通行系統，難矣、十足僫矣。
【臺灣的教育部的線頂辭典、學校的臺語課本，以及閩南語檢定考試，種種，是使用拉丁「臺羅注音」。彼就是運用公共資源咧支援推廣，支援「臺羅」】。
仝一个語言，尤其是拉丁拼音，一套就好。
共有官方背書、而且下資源落去使用的「臺羅」，電腦利用方便的「臺羅」，學予伊好就好。
眾人仝一套拉丁拼音，眾人一致運用熟手，眾人直接相通。才是正範。
佇推普不當方式的(惡)勢力來威脅母語的生存之下，
建議莫閣想欲加夯枷；更加毋通想欲踮這个
上基本簡單，但是足重要的語文拼寫系統工具面頂，
欲變詼諧，當做𨑨迌物，咧耍、咧展。
抑若無，是咧作亂，
是會害死閩南語爾。
一套就好。
樓主你應該是咧講臺灣延續使用到今的彼套37个字母的ㄅㄆㄇㄈ「注音符號」。
若是；袂當，無法度。無法度提伊來拼寫閩南語的字詞音。
因為彼套37字母ㄅㄆㄇㄈ「注音符號」，是替國語(也就是普通話)這个無仝語言的音韻系統，
來設計的一套拼音符號，所致無法度直接而且無法度完全拼寫出閩南語的字詞音。
若硬欲用，會像欲用1958拉丁「漢語拼音」來拼寫仝款，會拼甲、創甲四不象。
雖罔佇1940年代的尾期，有學者佇臺灣借用彼套37字母ㄅㄆㄇㄈ「注音符號」的符號做基礎，加設計、加添一二十个語音符號，成做一套會當來替閩南語拼注音的閩南語注音符號。不而過，因為過無偌久，就受著大力「推行國語」(差不多相當大陸的「推普」)的壓制，禁止教臺語/寫臺語，甚至處罰禁止佇學校講臺語；彼套閩南語注音，當然就完全無機會公開來推捒湠開流行。
幾十冬了後到今，雖然臺灣有誠有份量的閩南語辭典(紙本辭典，毋是線頂辭典)，是使用彼套來注音；而且猶有人想欲來推廣彼套注音。毋過，時機已經過去矣。電腦佮網路的技術足少支援彼套；若欲主動使用來注音，足無利便。十足重要的一點是，無國家的力、政府單位有通好運用公共資源，來支持推廣。像按呢，欲有通好變做通行系統，難矣、十足僫矣。
【臺灣的教育部的線頂辭典、學校的臺語課本，以及閩南語檢定考試，種種，是使用拉丁「臺羅注音」。彼就是運用公共資源咧支援推廣，支援「臺羅」】。
仝一个語言，尤其是拉丁拼音，一套就好。
共有官方背書、而且下資源落去使用的「臺羅」，電腦利用方便的「臺羅」，學予伊好就好。
眾人仝一套拉丁拼音，眾人一致運用熟手，眾人直接相通。才是正範。
佇推普不當方式的(惡)勢力來威脅母語的生存之下，
建議莫閣想欲加夯枷；更加毋通想欲踮這个
上基本簡單，但是足重要的語文拼寫系統工具面頂，
欲變詼諧，當做𨑨迌物，咧耍、咧展。
抑若無，是咧作亂，
是會害死閩南語爾。
一套就好。
