高中嗰阵冇好好珍惜，觉得因为唔中意一d人或者一d行为所以就讨厌成间学校。。
宜家毕业三年了，大学都就嚟毕业，我觉得真系好想回到过去，好挂住以前。
好想一齐学农，一齐上语肥嘅课，一齐笑一齐放学。。。仲记得当年唔知点解火星文好流行，人人都用火星文，睇到我眼花缭乱。宜家火星文已经变成彻底非主流嘅嘢，一般学生都不屑用火星文——突然又好怀念嗰时睇一句话睇半日先可以理解个中玄妙嘅时候，居然好挂住火星文。。。
可惜时光无法倒流，唔可以畀机会我再一次拥有，桂中亦已经同27合并。。。好怀念彭校长上我哋班嘅化学课，我唔知佢算唔算系好校长，但至少好肯定佢系一个负责嘅好老师，我哋每次见到佢都会好尊敬咁叫声校长好然后忽略嗰个样衰衰冇牙冇头发又扮嘢嘅书记，好怀念好怀念好怀念。
但已经永远失去咗了。
早抖。
