新聞女王｜總監製鍾樹佳親揭創作小故事 原著冇飛爺方太因阿佘改劇名娛樂新聞2023-12-23 14:30
重頭台慶劇《新聞女王》嘅台前幕後大隊，移師澳門上葡京綜合度假村綠茵勝境花園，同大批現場觀眾齊齊欣賞結局歡渡冬至。 未播出已掀起熱話嘅《新聞女王》，當中隱藏住大量彩蛋，好似係黃宗澤閃現大結局客串演出，仲有何依婷飾演嘅徐曉薇於另一部台慶劇《香港人在北京》中以主播身份短暫現均等。
而總監製鍾澍佳於大結局播出後，仲為觀眾為揭開16個《新聞女王》不為人知彩蛋創作小故事。
1. 《新聞女王》原名《新聞女郎》，後來佘詩曼首肯接拍之後先改名。
劇集因為阿佘加入而定名《新聞女王》
2. 原著劇本中沒有飛爺( 鄧智堅 飾)，華姐( 車婉婉 飾)同方太( 龔慈恩 飾)三個重要人物。
原著劇本中幾位老奸巨猾角色都並唔存在
3. 只有Cathy( 高海寧 飾)與劉艷( 王敏奕 飾)兩個人物名字由原著故事開始就未作改動。
4. 劇中人最終歸屬文家軍定係佐治黨，於TVB版已暗藏玄機， 關鍵於各人劇中嘅日常稱呼係中文名定係英文名。文家軍都用英文名(例如Ivan( 何廣沛 飾)同Cathy），佐治黨皆用中文名( 好似 曉薇 同 王偉( 林正峰 飾)）。
5. 導播控制室戲份，所有顯示屏都係後期再Key Up畫面，演員所有演出全靠憑空想像。
6. 第一集大型巴士翻側意外現場，由於原本預定拍攝地點未獲批准，最後選址TVB電視城露天停車場、透過CG重建場景進行拍攝。
劇集開首嘅巴士意外非常震憾
7. SNK大樓外觀全景同相關航拍鏡頭，全部以電腦特效「建造」喺將軍澳工業邨海旁空地上。
8. 劇本設定方太已去世丈夫，未建立SNK傳媒王國前，係國際知名體育記者。
9. 劇集總監製鍾澍佳同監製關文深都有參與演出，佳導飾演方太司機、關文深飾演火場事件中嘅攝影師。另外兩名導演就飾演大結局中脅持人質事件嘅便衣探員。
總監製鍾澍佳客串演出方太嘅司機監製關文深亦有客串攝影記者一角
10. 原著故事第一場創作嘅戲係Man姐巧遇賊王事件，因而有應該先拍攝定先報警呢個兩難問題，並從而延伸創作整個故事。
11. 除咗曉薇亮相《香港人在北京》，連佢一直跟進嘅力保集團新聞，亦係《香港人在北京》中徐港仁( 陳展鵬 飾)喺首集遇到事件嘅相關集團。另外首集現身客串嘅張頴康，造型同角色設定係《反黑英雄》中嘅PTU威哥。
張頴康以《反黑英雄》中嘅PTU威哥身份現身
12. 除咗賊王案同結局輕度弱智爸爸脅持人質事件外，曉薇妹妹之死亦早喺原著劇情中已存在，不過死因就為殉情自殺。
曉欣之死與原著亦有分別
13. 最後5位「新聞女王」共享礦泉水鏡頭，係佳導拍攝時臨場加插，佳導話：「係我作為創作人主觀願望嘅一種呈現！我由心底希望如此，唔係為洗白，亦唔代表和好！真實人生中，邊有咁容易洗白和好，只係想表達『搶來搶去為咗面前一杯水？點解唔回頭睇睇身後仲有一片汪洋』這個說易行難嘅小道理」。
14. 劇中主角並無食飯場面。
15. 有眼利網民根據劇組發布劇照，發現有唔少「消失的場面」，佳導指影視創作中有 deleted scene非常正常，又透露《新聞女王》first cut有28集，但為更緊湊剪接成26集版本。
16. 炎明熹(Gigi) 主唱嘅片尾曲《Crystal Clear》，同時有普通話版本《透徹》，相關版本日前先後於無綫官方社交平台推出短版及原版MV。MV除了繼續精華劇集精彩場面，更加插 Gigi錄音畫面。