萬梓良(萬子)與吳家麗日前喺觀塘為電影《今晚打喪屍》接受訪問，家麗直認接拍呢部戲最大原因係能夠跟萬子合作，另一個原因自己係喪屍片迷，戲中萬子同家麗就主要講上一代感情戲為主，追跑打喪屍就留待一班後生演員負責，家麗指戲中是飾演一位失意粵劇花旦，有別於以往嘅風塵女子角色。
去年七月開拍，拍攝時天氣非常炎熱，萬子笑指最辛苦係特技化妝，佢話：「當時天氣好熱，而化妝師噴嘅顏料又好凍，所以成日要用風筒吹住啲汗，免得影響個妝，我都要化成個半小時，但感覺都幾得意。」家麗笑指身邊朋友行內朋友都查問可否客串演喪屍角色，因為香港太耐沒有這類電影。
接拍這部電影，今年7月將60歲嘅萬子考慮身體狀況能唔能夠承受，因為近年受糖尿病影響健康，佢話：「15年嘅時候，我用咗九個月時間，意志上堅持自己早午晚親自煎服中藥，直至16年身體好好多，今次完成呢部電影自己都好開心。」另外台前幕後除了家麗，全部面孔都陌生，萬子專登試試尋找會否有認識自己兼合作過的人，最終給他找到一位負責燈光的師傅，原來多年前曾在流浮山拍戲時合過。
戲中兩人都各自有抒發情感戲份，家麗喺一場需要不停痛哭感懷身世場口時，當導演叫停後，佢仍然失控繼續喊，當時萬子在場，立即察覺不妙即刻上前搭住膊頭俾家麗控制情緒，家麗話：「當刻好投入角色，個情感一路舒發緊出嚟，點知導演叫停時，我啲情緒都未抒發完，所以要時間再爆發一下。」
另外，該片嘅預告片已有超過130萬瀏覽量，近日更被邀請參展歐美三個影展，包括紐約亞洲電影節（New York Asian Film Festival）閉幕日電影、西班牙錫切斯奇幻電影節（SITGES - International Fantastic Film Festival of Catalonia）、瑞士納沙泰爾國際奇幻影展（Neuchatel International Fantastic Film Festival）。
場地鳴謝：TOWARD Studio
去年七月開拍，拍攝時天氣非常炎熱，萬子笑指最辛苦係特技化妝，佢話：「當時天氣好熱，而化妝師噴嘅顏料又好凍，所以成日要用風筒吹住啲汗，免得影響個妝，我都要化成個半小時，但感覺都幾得意。」家麗笑指身邊朋友行內朋友都查問可否客串演喪屍角色，因為香港太耐沒有這類電影。
接拍這部電影，今年7月將60歲嘅萬子考慮身體狀況能唔能夠承受，因為近年受糖尿病影響健康，佢話：「15年嘅時候，我用咗九個月時間，意志上堅持自己早午晚親自煎服中藥，直至16年身體好好多，今次完成呢部電影自己都好開心。」另外台前幕後除了家麗，全部面孔都陌生，萬子專登試試尋找會否有認識自己兼合作過的人，最終給他找到一位負責燈光的師傅，原來多年前曾在流浮山拍戲時合過。
戲中兩人都各自有抒發情感戲份，家麗喺一場需要不停痛哭感懷身世場口時，當導演叫停後，佢仍然失控繼續喊，當時萬子在場，立即察覺不妙即刻上前搭住膊頭俾家麗控制情緒，家麗話：「當刻好投入角色，個情感一路舒發緊出嚟，點知導演叫停時，我啲情緒都未抒發完，所以要時間再爆發一下。」
另外，該片嘅預告片已有超過130萬瀏覽量，近日更被邀請參展歐美三個影展，包括紐約亞洲電影節（New York Asian Film Festival）閉幕日電影、西班牙錫切斯奇幻電影節（SITGES - International Fantastic Film Festival of Catalonia）、瑞士納沙泰爾國際奇幻影展（Neuchatel International Fantastic Film Festival）。
場地鳴謝：TOWARD Studio
