分享吴语歌曲，希望宜兴也可以有宜兴话歌曲作品

七八月份辰光，丁山丫头郁欢凭借她个《你到丁山街上买把茶壶》，在宜兴人个朋友圈里大红大紫，获得大量关注。楼主我关注吴语歌曲有弗少辰光，遗憾宜兴话歌曲相当少（宜兴话属于吴语，相关内容参考百度），宜兴人翻唱作品流传也罕见。郁欢个箇首歌像是颗流星，刹那耀眼，转瞬即逝，流行一段辰光之后终归畀人遗忘。
应该弗少人歌单中或多或少收藏粤语、闽南话歌曲，可能也有人听过苏州话或者上海话歌曲，但是难得会有想到用宜兴话唱歌、创作。语言音乐艺术弗应该只属于普通话、粤语等，因为种种原因，普通话、粤语等歌曲走在其他之前，但是我家也弗应该放弃，歌曲殿堂应该有我家一席之地。原来有个东北人，在宜兴过日脚并学会讲宜兴话，拿佗个生活写进佗个歌里，诞生《了宜兴》《充煤气非》。宜兴是宜兴人个家园，宜兴文化、宜兴话是宜兴人个财富，自家个财富应该由自家来利用、保护。弗逼迫外来人融入宜兴，也弗必委屈自身迎合外来文化，宜兴人要有自信。
我想在此帖分享一些其他地区吴语歌曲，供大家欣赏，有兴趣个朋友希望可以自家或者号召朋友进行翻唱、编词翻唱、原创，丰富宜兴人个日脚。