【點起廣東歌】如果你鍾意聽廣東歌，最近應該被填詞人林若寧為吳業坤填詞的《原來她不夠愛我》洗腦；如果你只愛經典歌，一定聽過林敏驄為梅艷芳寫的《夢伴》，雖然被內地列為禁歌，但流傳至今。兩首歌相隔了30年，但好詞就可以撐起廣東歌，兩代填詞人眼看廣東歌步向夕陽，林敏驄說：「我會好hurt！」林若寧矢言：「冇一種語言應該被消失！」
【林若寧：港人要盲目支持】
林若寧，填詞人林夕徒弟，亦是叱咤903創作總監，近年的人氣作除了《原來她不夠愛我》，還有黃貫中的《年少無知》和連詩雅的《到此為止》等。為了撐廣東歌，今年林海峰（Jan）在「叱咤樂壇頒獎禮」上演繹的《I Want You廣東歌》，就是雙林的傑作。林若寧在商台接受本報專訪時說：「主要係Jan嘅idea，寫嗰陣一人jam一句，叱咤代表大部份廣東樂壇，冇得唔撐。喺大家做得比較攰同灰心嘅時候，係咪要為僅餘嘅目標打氣？」
支持《羅生門》
林若寧對廣東話被打壓很反感：「我寫嘅詞、返嘅工都以廣東話為主，冇理由會支持人哋打爛飯碗，每個地方都應該有佢嘅母語，冇一種語言應該被消失！」會否擔心廣東歌沒落？他說：「我唔覺得廣東歌比以前差，可能大家歸咎於以前啲歌好hit，但大家鍾意嘅嘢唔同，唔代表嗰樣嘢唔好或質素差咗。」
提到捍衞廣東歌，林若寧說：「填詞人好被動，可以決定嘅嘢唔多，想廣東歌市場繼續生存，在乎首歌係咪好，香港人要盲目支持。」《原》雖是去年「叱咤我最喜愛的歌曲」，卻非林若寧的最愛：「我係隔籬飯香，我會投《羅生門》，大家寫咗咁多年情歌，黃偉文依然搵到新角度，又有咁大共鳴，係成功嘅。」
雞同蛋關係
任職電台創作總監，是否有助廣東歌生存？他說：「係雞同雞蛋嘅關係，每個港人都可以令廣東歌好啲，鬧都好，知你緊張佢，但𠵱家係唔緊張。希望唔係因為廣東歌而支持，而係因為廣東歌好聽去支持。電台可以推動，但件貨都要做得好，否則點播都唔會好。」
撰文：余燕儀
【林若寧：港人要盲目支持】
林若寧，填詞人林夕徒弟，亦是叱咤903創作總監，近年的人氣作除了《原來她不夠愛我》，還有黃貫中的《年少無知》和連詩雅的《到此為止》等。為了撐廣東歌，今年林海峰（Jan）在「叱咤樂壇頒獎禮」上演繹的《I Want You廣東歌》，就是雙林的傑作。林若寧在商台接受本報專訪時說：「主要係Jan嘅idea，寫嗰陣一人jam一句，叱咤代表大部份廣東樂壇，冇得唔撐。喺大家做得比較攰同灰心嘅時候，係咪要為僅餘嘅目標打氣？」
支持《羅生門》
林若寧對廣東話被打壓很反感：「我寫嘅詞、返嘅工都以廣東話為主，冇理由會支持人哋打爛飯碗，每個地方都應該有佢嘅母語，冇一種語言應該被消失！」會否擔心廣東歌沒落？他說：「我唔覺得廣東歌比以前差，可能大家歸咎於以前啲歌好hit，但大家鍾意嘅嘢唔同，唔代表嗰樣嘢唔好或質素差咗。」
提到捍衞廣東歌，林若寧說：「填詞人好被動，可以決定嘅嘢唔多，想廣東歌市場繼續生存，在乎首歌係咪好，香港人要盲目支持。」《原》雖是去年「叱咤我最喜愛的歌曲」，卻非林若寧的最愛：「我係隔籬飯香，我會投《羅生門》，大家寫咗咁多年情歌，黃偉文依然搵到新角度，又有咁大共鳴，係成功嘅。」
雞同蛋關係
任職電台創作總監，是否有助廣東歌生存？他說：「係雞同雞蛋嘅關係，每個港人都可以令廣東歌好啲，鬧都好，知你緊張佢，但𠵱家係唔緊張。希望唔係因為廣東歌而支持，而係因為廣東歌好聽去支持。電台可以推動，但件貨都要做得好，否則點播都唔會好。」
撰文：余燕儀
