Chapter 24
我默不作声，随便找了个位子坐下。
此时，大概是阿信刚把一个段落的话讲完了，大伙儿终於从他的分析当中抽离出来，回到现实世界上，发觉我的存在。
我依旧低著头，呆滞的看著茶餐厅地板上的磁砖，尴尬的左顾右盼，没跟任何人有眼神接触；因为，我知道此刻自己的双眼还是又红又肿。
大伙儿先是沉默了会，大概是对我突然回来又静谧不语，觉得十分奇怪；无形中，我彷佛感受到十几双眼睛在我身上打转的一种压迫感。
然后，贯彻他一路走来的领导风范，中年男子终於按捺不住而向我询问:
?……..阿池…? 你无野啊…?............头先边个打比你??
我叹了口气，继续凝望著地板磁砖，此刻的我无意把实情告知他们，面对母亲的突然离世，加上深爱的女朋友突然变为了人家的新娘子，此刻的我极需要一个人安静下来的空间，思考应该如何面对这一切———
於是，我向中年男子随便敷衍道:
?传销———?
我本来想说?传销电话?，可话说到一半，才发觉当中的逻辑问题；这样说出去，一定会给他们立即质疑及拆穿；几个掩饰的藉口在我脑海里快速闪过，可我发觉无论如何，在全世界也都消失了的这个大前题底下，任何一个乱编的藉口也都站不住脚的。

所以，无计可施的我，唯有把真相告知他们:
?………..系我女朋友打黎…….?
?——嗄————?
不出所料，大伙儿听后无不哗然。
我又叹了口气，抬起头，看著他们的毎一个，不再逃避的把真相说出———当然，我故意把母亲离世及阿怡出嫁的事省略掉，只留下一些重点内容。
他们此刻看到我的双眼，大概会以为我是太挂念女友，忍不住而哭了吧………..不过，实情也是，我的确是因为阿怡而哭的。
听了我的话，大伙儿除了暗自惊奇，发出窃窃私语的声音外，没有人再说什麼。
此时，穿著笔直衬衫的阿信不住点头，一副恍然大悟的样子:
?………原来系咁……….?
他思索了一会，顿了一顿，然后开口向大伙儿问道:
?………….在座既各位，你地有无听过，爱因斯坦既相对论??
阿信突然爆出一个如此理科的专有名词，叫我暗暗惊讶。
其实不止是我，基本上，茶餐厅内的各个?生还者?，都不会预期到他会有突然讲这个。毕竟，对我们这种读书不多(或是读书很多却还是心无一点墨)的普通人来说，我们对?爱因斯坦?的印象，或许就只留於他的职业是?科学家?，以及他那头白色的爆炸发型，这两项事物上。
至於?相对论?这三个字，我当然有听说过，可这已经是我知道的全部了；一如大部份人一样，我只知道世界上存在著一个有关科学的东西，名叫?相对论?，可它到底是关於什麼，是用来干嘛的，如何个?相对?法的，我所知道的绝对是零。
阿信干嘛突然提这个? 难道跟我们这事件有关吗?

见到大伙儿都没答上话，阿信迳自说了下去:
?严格黎讲，我指既，其实系爱因斯坦既狭义相对论———狭义相对论既大前题系讲光，无错，光，即系我地宜家只眼见到既呢啲———?
阿信微笑了下，伸出右手，在空气中划了一圈，彷佛是在比方什麼——
?————光——外面太阳晒入黎既光，天花板光管发出黎既光，蜡烛照出黎既光，光管照出黎既光，什至我地部电话射出黎既光———屋入面，屋外面，马路上面，天空里面，空气里面———总之系我地睇既毎一样野，进入我地眼睛既毎一道光线——光———根据爱因斯坦所讲——光，系世界上最快既野，比车，比子弹，比火箭，什至世界万物既任何一样野，都仲要快————?
我必须说，阿信已是说明得很传神易懂，可不知为何，一听到这种学术性的东西，我的大脑就好像开始闭塞了一样，完全听不进，更别谈懂不懂——
只见隔离座位的两个MK潮童，也纷纷摇头，窃声说了一句:
?喂条友噏紧乜——?
?听唔明啊仆街—? 另一个应道。
坐在大伙儿彼端的阿信都当不会听到，所以他继续讲了下去——
?基於光系世界上最快既野，所以，当任何一样野行得好似光速咁快，又或者接近光速咁快既时候，佢地睇到既其他一切事物，就会相对黎讲，慢左好多———大家有无听过一个物理现像——系讲两个孖生兄弟既太空人?———?
孖生兄弟太空人?!....
阿信跳得太快，我有点跟不上———
?———其实系一个物理学家提出黎既幻想，不过好有趣———假设有两个孖生兄弟既太空人，一个A，一个B，佢地乃系同年同月同日生既亲孖生兄弟；个问题系，如果A今日坐上一架飞得好快，快到好似光速咁快既太空船，去外太空兜左个圈———假设A去左太空五日，五日后当佢再次番地球既时候，好可能，佢会发现地球既一齐事物，都已经面目全非，完全变哂；而果个同自己同年同月同日生既孖生细佬B，有可能，都已经变成左一个白发老人，什至经已老死———?

听到这个陈述，我突然觉得有种莫名的熟悉感———这不就是我刚才在电话里，跟阿怡讲电话时发现的事吗?!———
?———点解会咁既呢? 点解系外太空既时间，会同系地球既唔同呢?———无错，我一开始唔系讲过，当一样野愈接近光速既时候，世界上面既其他一切野，对於佢黎讲，就会相对地变得慢———所以，或者A只不过系系太空船入面过左五日，但对於地球既人黎讲——就已经系五个月，五年，什至系五十年———呢个，就系爱因斯坦既狭义相对论————?
我似懂非懂地听著，把之与我刚才的电话作出比较，看看能不能想出点什麼——
此时，阿信停下了讲话，顿了一顿，转身看著我，道:
?———呢样野，系我岩岩听到你所讲既野之后而谂到既——当然，系呢个阶段我未能够肯定到，够竟狭义相对论呢个theory，可以有几多成apply落我地既呢个case度———到底我地存在既呢个地方，系咪同外面——先唔理佢系边度啦——系咪同另一个地方，什至系另一个空间，存在著咁大既Time difference呢? 点解对於我地黎讲，成件事只系短短发生左3日都唔够，但对於对方黎讲，就已经系6年呢——?
我迟疑的点了下头，思索了一会，尝试把阿信所讲的东西拆解与组织———然后，我皱著眉向他问道:
?…........其实我唔识啲咩相对论呢啲野……..不过听你头既讲既果啲physics野，又好似同我地宜家个situation好似……………照你咁讲……………..咁我地即系去左一个唔同既空间，有别於原本香港既一个地方…? 我地唔通唔系地球?!—————你系咪讲紧呢样野?..............再讲，你讲既果啲咩光速啊，孖生兄弟啊…….唔通你系讲紧，我地宜家呢个地方，呢间茶餐厅，什至系成个香港，都系以光速飞行紧?! 所以我地先好似果个A咁，去左五日，但原来地球已经过左五十年?——?
我长篇大论的结束了自己的见解，吞了下口水，又补充道:
?———其实，对於呢个问题，我反而好想听下，你岩岩讲既，关於大帽山既果啲野，我———?
此时，没等我说完，没等阿信能够回答，一直坐著旁边的中年男子也乱七八糟地插了话进来:
?………..系啊…..我都唔明啊，阿信仔啊，你系唔系即系讲紧，我地唔系地球度啊，嗄?! 咁我地宜家系系边度啊————?! 我地系咪既系飞紧咁解啊? 定系还是——我地入隧道果阵，架红van飞紧啊————??
中年男子说罢，小巴司机也立即回了句话: ?超——我日捻日都起飞架喇———咩光速咁把炮啊——我超光速添啦仆街————?
眼见愈来愈多人插嘴进来，大伙儿都忘却了自己根本听不懂任何物理理论的事实，你一句，我一句的乱说起来，前后左右的交头接耳著，各自推演著自己的一套?相对论?———茶餐厅内再次嘈杂了起来.........
坐在大伙儿中间的阿信，用右手食指托了下眼镜，无奈地看著众人的一榻糊涂———
此时，我发现，坐在人群中间的睇波女正呆呆的坐著，默默无语，与其他各人的反应大相迳庭......

看到这一幕，蓦地，我的脑海里闪过了个画面————
————?醒啊——醒啊!? 黑暗，我双手胡乱地压在睇波男的胸口上
————他目无面情，安祥的躺在地上不动...
————皮肤上，已全是紫灰色的尸斑.....
我转头看著中年男人——他正热烈地讨论著自己的观点:
?.....会唔会，架小巴就系一架时光机——行到好似光速咁快———所以我地就会?山中方七日，世上已千年?呢.........?
旁边的小巴司机立即答话: ?.......点会啊，我架车啊————?
我转头再往睇波女看去，只见她继续愣住，与旁边的所有人都绝缘了，就这样的一个人地坐著人群中———
我彷佛看见........她的手正在微微的震动.........
蓦地，一个残忍的想法在我脑里出现————
难....难道，中年男人还没说出，睇波男已经死了的事吗.....?
———不，不可能!! 昨晚中年男子与我道别，独自步回茶餐厅，照常说，中年男人好应该已经跟她说了自己老公的事才对啊———
对了———那她昨晚会是去了旧墟公园，看睇波男的遗体吗?!———
她有看到………自己老公长满紫紫灰灰的尸斑，早已面目全非的模样嘛………?
想到这里，我的心里就一阵难过……如果看到的是阿怡的尸体……不知道，这一刻我的感觉会是怎样?......................伤心…难过…还是愤怒? ……到底是看到自己心爱的人死了会比较伤心，还是，看到自己心爱的人变了另人的新娘子，会比较黯然?..............

就在此时，我看到睇波女的双手突然停止了抖动，平放在双腿上，然后，?霍?的一声，睇波女动作夸张的从椅子中站了起来，望著众人——
众人无不安静了下来，看著睇波女——
从我的角度可以打侧看到，睇波女的身体正不停的抖震著——
睇波女低下头，一脸痛苦的模样———然后，滚滚眼泪从她紧合的眼皮下流了出来；胡了她的整块面————
?……………求下……求下你地唔好再讲啦………就当我求下你地啦……?
此时，睇波女举起颤抖的右手，指著阿信，哭道:
?…你……你咁聪明……与其谂埋哂呢…呢啲野…不如我求下你……你救番我老公啦……我求下你啦……我求下你地啦………我真系好钟意佢架……?
睇波女愈说愈激动，更想动身跪在地上——
——见状，我连忙冲上前，用双手把睇波女扶住，此时中年男子也冲了过来，把她一块扶住———
我边扶边激动地说:
?系我唔好………!! 系我衰!!——如果我琴晚无追出去既话………如果我琴晚无——?
我想到昨晚发生了那件事后，我还装抑郁的独自回家去睡觉，完全无视了睇波男被自己害死的事实…………想到这，我惭愧得什麼也说不下去———
此时，中年男子也开口向睇波女道:
?你唔好咁先啦……发生啲咁既事……完全系意外黎架乍……无人想…你千其唔好怪自己……你起番身先啦……?
睇波女情绪接近崩溃，夹在我和中年男子中间，不断使力拉扯———
?我唔好咁…可以点啊………我得一个老公架乍………我真系好钟意佢架……我真系好钟意……点解!!?! …………点解我地要入黎大埔睇波啊…………睇咩捻野波啊………点解啊………我一早同佢讲左唔好入黎架喇……点解啊……点解佢要死……我地做错左啲咩啊究竟………?
听到这番说话，宛如十分钟前，我跟阿怡讲电话时的翻版；一听之外，触境生情，我那才刚稳定下来的情势，又给再次拉起———听著睇波女的哭诉，拉扯著，自己内心某处，其实也很想一起哭出来———
?我…我琴晚去左果个公园度，自……自己一个搬……搬左佢番去……佢宜家仲系我地个朋友度架………求下你地……救下你地救佢啦…………当我求你…?
睇波女愈说愈激动，整个人不受控的向旁倒去，我连忙跟中年男子一起扑向前方，把她拉住————
就在此时——就当我扑向那桌子旁边，尝试把睇波女用力扯回来的时候———我听到了，坐在旁边的两个潮童，其中一个对另外一个的窃语对话——
?……喂……你估呢…个男人条尸，会唔会好似条女果条咁…起哂果啲紫色野啊拿……??
听到的那一刻，我的心里顿时翻出了种纳闷感…..好像觉得，那里怪怪的………?
然后，没等我再有时间细想，靠在我身边，跟我一样大力扯著睇波女的中年男子，突然愕住，似是听到了什麼可怕的事情一样———
他把睇波女扶起，转身望向那两个潮童——
?………你地……点解会知道个女人出左尸紫色尸斑既…………??

两个潮童瞬间露出了一副惊恐的表情，其中一个急忙道:
?咩……咩啊…叔叔……明…明系你琴晚返黎果时……同我地讲架喎…?
中年男子继续惊愕，无视那个乳臭未乾的潮童的解辩———
然后，他疑惑的道:
?………无啊……我肯定无同你讲!!...............我惊你地觉得恐怖……所以专登完全无提过果个女人有尸斑既事...........你地究竟点会知道……? ————咪住先! ……点解…果个女人死果阵，无著衫…………………??
中年男子疑惑不解地看著那两个潮童；我彷佛看到，这两个坐在椅子上，把头发都抓得凶凶的死MK潮童，眼神中，有那麼一点的退缩———
刹那间，我几乎可以肯定，这两个潮童背后，一定存在某种秘密——
我把睇波女扶起，确保她情绪已经受控，不会再乱冲乱撞后，就把稳住她的双手轻轻放开…
睇波女迳自站在那边，垂下头，继续无助的哽咽著———她泪如雨下，眼泪滴在脚下的地板磁砖上，印成一个个的蓝色圆点。
看到这，我心里也暗自难过；因为，我想到了阿怡——
中年男子走到两个mk潮童前，近距离的，定眼看著他们；此时，他脸上的不解及疑虑表情经已消失，取而代之的，是犹如中学训导主任般的一种严肃及凝重———
看到如此状况，我也动身，微微向旁踏出了几步，与中年男人一起，围在两个mk潮童旁边。
中年男子深吸口气，顿了一顿，开口说道:
?——我琴晚一定一定无，我无同你地任何一个，提及过关於女人条尸上面出现尸斑既事——琴晚已经好夜，加上一日之内已经发生左太多事，我觉得再讲出黎既话，一定会引起大家既恐慌——所以我敢肯定，如果你地知道有关尸斑既事，一定唔会系透过我而得知————!?
中年男子义正词严的说著，两个潮童默不出声的坐在一起，看著中年男子——
不知是否我先入为主的观念作祟，我总觉得，两个潮童的眼神，是愈见愈心虚——
?咁……咁可能系我地搅错左挂……或…或者我地系听第个讲…话个女人条尸上面有尸斑呢…?其中一个潮童辩称。
中年男子向前踏出了步，同时提起右手，分别指向了我，及后面呆站著的睇波女:
?呢度除左佢地两个之外，根本唔会再有人见过个女人条尸————如果佢无讲，你地无可能会知道———除非…你地自己亲眼见过条尸……?
没错；我微微点头，同意中年男子的说法。

脑海里突然想起那个恐怖的画面———
———黑暗中，公园内的石板小径上洒著一地的乱发……
———用手拨开头发，露出的，是长发LV港女那目瞪口呆，死不冥目的脸…
———以及…她那一丝不挂，长出了紫紫白白尸斑的裸尸…………
想到?裸尸?这两只字，看著眼前一脸严肃的中年男子，以及此时显然露出了畏惧脸色的两名潮童，我忽然想起了一件小事———
那是事件刚刚开始，我们还没有下车时，在红van上面听到的一个小片段——
——红van上，我们刚刚得悉全部人都消失了的事；然后，中年男子站了起来，提出?我们全都死了?的可能性，众人都吓了一跳……
——此时，死静的车箱里，传出了后座两名潮童之间的窥窥私语……
——?顶…唔捻系啊，你有无听到个阿叔讲咩? 佢话我地死捻左啊仆街。? 其中一个潮童抱怨……
——?屌，我连处都未破…不过，好似你都未?? 另外一个答道……
——?顶你唔好咁大声啦仆街。? 第一个潮童责备…………
突然闪过这个片段，本来觉得好笑的对话，此刻，却让我感到了种呕心感觉…
我踏前一步，看著两个潮童，质问道:
?…………系你两个……杀左个女人既?!?
此时，旁边一众的大伙儿，包括那四个新加入的中大学生，也感到事件的严重性，纷纷转过头来，看著我们这边——
只见站在左边的潮童首先受不住，嘴角抖著的讲道:
?唔……唔系啊…………我…我地无—?
坐在右边的潮童连忙按住他，道: ?你傻捻左啊仆街——唔好讲啊!!——?
左边的那个似是再也受不了，把另外的那潮童推开，迳自颤著音说:
?………个…个女人唔系我地杀架……真系唔系我地杀架………系佢无啦啦…自己跌左落地下死左乍……真系……真系唔怪我地事架……!!?

众人听著他的陈述，都是一脸的惊讶。
以下，是左边那位潮童，颤栗说出来的自白:
..........…果晚我同?飞机昱?(潮童二)，同埋其他人系大埔中心巴士站落左车之后，我地两个就沿住安慈路，慢慢行返去。
我地谂住还掂咩人都唔见哂，连平时系度阿之阿左既老豆老母都唔见埋，咁果晚不如索性就上?飞机昱?屋企，话之佢系发梦又好，世界末日又好，两条友拿拿林打爆埋只game先算啦………
?飞机昱?屋企就住八号花园，一落车行唔驶五分钟就系——就当我地系东海堂出面，过紧马路果时，突然，行系我右面既?飞机昱?无啦啦指住前面，话:
?你睇下——?
我跟住佢指既方向望过去，发现对面马路，大概就系柏斯琴行对出，有个女人系度慢慢行紧——
我见到佢手上面攞住既LV袋，认得佢系头先红van上面，坐我地前排既果条女——本身我都无咩为意，就咁?哦?左一声，继续过马路；但系呢个时候，?飞机昱?又讲多左句——
?喂……..你唔系啊嘛…………..人一世，物一世，不如试试佢罗——?
起初我都唔为意佢究竟系度讲紧咩，只系随便咁应左声: ?你噏乜捻野啊———?
?飞机昱?好似好兴奋咁，一路笑，一路讲:
?咩啊——头先果个阿叔咪讲左罗——佢话啊——我地其实已经死捻哂架喇——喂大佬，人一世物一世，宜家我地连鬼都做埋，但系野都未扑过一次，啲次序搞乱哂，有无搅错啊——?
听完佢讲，我系呢个时候，先明白?飞机昱?究竟系度谂紧咩；但我可以发誓，直到呢一刻为止，我都系未曾有半点非分之想——
毕竟，虽然我外表dress-up得好潮好型，出入既都系旺角各间机铺，睇落系似系一个界女圣手，但系，讲都尾，我其实都只不过系一个著得好潮好型既毒捻——莫讲话未仆过野，其实连平时影profile picture既果啲食烟相，我都只不过系?打烟泡?，无真系食落肚——实际上，番到屋企，除左有时?嘭?门会大力左小小之外，其实，系老母面前，我连?老母?两只字都未曾讲过——
所以，当听到?飞机昱?讲既野之后，我先先系吓左一吓，觉得有无搞错——
?你唔捻系啊——? 我怀疑咁讲左一声。
?系啊——你谂下，我地连野都未搞过，无啦啦就死左，浪唔浪费左少少啊——你睇你睇，条女攞住个LV袋，行路果时个屎忽”吉”下”吉”下，几索啊———佢攞捻住个LV啊，都唔方系咩正经人家啦——超，唔好比我讲中，睇死佢咪又系出黎做援交赚番黎既——?
呢个时候，我见到LV女已经行过左渣打银行，转右，行入安浩里——
我始终都系有啲怀疑，向?飞机昱?问:
?——你谂住点?——你有钱系身咩?? 条女个样唔错，会唔会收得好贵架——?
?飞机昱?听到我咁讲，耻笑左几声，讲:
?所以话你无大志就真系无大志——连小小野都要谂——家下都话到明，世界上所有人都已经唔捻见哂啦——咁我地食野，仲洗乜捻野比钱啊，紧系食免费餐啦——唔系添啊——家下四野无人，正所谓叫天不应，叫地不闻，不如索性老强喇——!?
?飞机昱?愈讲愈兴奋，好似已经肯定左系要咁样做，讲完即刻加快脚步，跑向LV女消失既方向: ?快捻啲啦——! 佢行左入去果度，果度入面公园黎架，岩哂啊!!?
我系后面一路追住?飞机昱?，一路叫: ?喂! 唔好啦!! 唔好搞埋哂啲咁既野啦——我地快啲番去打爆埋只野咪算罗——!?
?飞机昱?当然无理我既提议，反而愈跑愈快，一路跑过左渣打银行，转入安浩里——
我系后面不断追住，但因为果晚我玩?视觉系?，著左条超级?濑屎?既?濑屎裤?，我无办法跑得太快，只可以不断系尾度狂追上去——
当我再次见到?飞机昱?既时候，已经系系旧墟公园既入口外面；当时，佢喘住气，企左系度，好似系度望紧啲咩——
我行埋佢身边，问: ?条女呢? 你唔系想屌人既咩? 去左边啊?——?
?飞机昱?望住前面既公园，答: ?——屌佢行得太快，唔捻知去左边——?
我停低落黎，同佢一齐望住前面，尝试搵番条LV女既踪影——
夜晚既旧墟公园可以系话一片漆黑，即使系有街灯，但都仲系好暗，有等如无——
然后，系树同树之间，我突然间见啲野———好似系人影——有人行过——
系LV女!!

@Angel_DJ @liuzizheng123 @Q859020323 @dudu91420 @616秀

太好了太好了

好多lv

这发展