昨日伫Q群里底闲詖，詖关于咱细当时其童年术语，大家侬作下来詖詖补充下。
起头是我想著了一句南洋英语paper scissors stone“剪刀石头布”，然后回忆了一下，当时我侬厝边遘群孥囝，咸我侬表兄弟姐妹在内，临祠堂灰庭骹爽游戏，彼个日子真心另侬怀念。
1.“剪刀石头布”我侬乡里号作uh-sóm或是uh-tsóm，此个叫法伫群底各地各个乡里拢有家自其叫法，欢迎补充～！
2.然后是另外一个“走掠”其游戏，我侬号作liâh-tshâ（掠柴）。
游戏规则大概是：一群侬先作下uh-tsóm，然后输彼个物就著去掠别侬，通常是去追彼个走上慢其。输其物先咄一声“开始”，其余侬就泻猛猛伫规定范围逃跑，若是走遘欲见追著了，就大嚷一句“柴！”侬就毋好再掠汝了，不过汝毋好颠动，乃好徛定临彼块定，等另一个乞侬追其来救汝。救其方法就是两侬拢伸出一只手然后拍一下。然后，此个游戏可以一直无限做落去，通常是因致日晏爸妈来叫转内食饭而结束。。
此个游戏也是各地孥囝其共同回忆，虽然也是各自号毋同其名，但绝对是咱80、90后此簇侬其美好回忆，也是此在簇拈ipad切西瓜其00后绝对体会毋到其！（订济尽目汁！）也欢迎大家侬订下家自乡里其叫法或毋同其游戏规则。。
3.“捉迷藏”，此个游戏，我侬号作tiàm-tshuē(坫揣),当时我侬其内伫祠堂围块，所以覕坫其地方就是整个祠堂各条巷囝。。
关于此个“坫揣”其名，我母上也有用另外一个叫法教我，伊是订作aⁿ-tsiu-tsáu-tiàm（揞睭走坫），此个也是我第一逝用著其“睭tsiu”字。
平样，也请各位吧友通恁家自其叫法补充下，济谢。