【天王黎明】雷颂德力赞黎明有潜质做慈父

雷颂德（Mark）举行尾场红馆演唱会时真情剖白，透露艺人黄霑生前曾给予鼓励，但不久就收到其死讯，他劝吁歌迷要多与长者聚会，说罢，压轴嘉宾黎明即抛出金句作纠正说：「你又讲错嘢喇，霑叔60几岁走，唔算系老人家，如果你60几岁畀人叫老，你都唔开心啦！应该系前辈，或者叫爸爸。」黎明愈讲愈兴奋说：「我哋听霑叔粗口大，听佢讲会好开心，又唔觉得污糟。」

一连三场嘅《雷颂德Thank You演唱会》噚晚喺红馆完满结束，演出嘉宾依然强劲，包括「金句王」黎明、陈慧琳、冯德伦、杨千嬅、方力申同邓丽欣等等，捧场嘉宾就有陈奕迅、丁子高同埋专程捧黎明场嘅仙姐白雪仙。
黎明喺台上代老友雷颂德，唱咗《明星》送俾霑叔，黎明话：「你今晚又讲错嘢喎，霑叔60几岁离开我哋，都未算系老人家，应该系叫前辈；若果你60几岁走，俾人叫做老人家都唔开心，几老嘅我哋都要尊重，叫声『前辈』，例如爷爷同爸爸咁，你唔会叫爸爸老人家吓嘛！」
Mark大赞霑叔讲粗口好好听，又话仲喺度学紧，点知Leon好搞笑话：「有冇需要0依家试下？」搞到Mark尴尬话唔好！