【香港电视】有话儿：王君馨处女捐躯

王君馨於07年赢得香港小姐亚军，人气未见高企，其后任何工作都做足一百分，亦不见取得同样回报，反而穿着性感出席活动时，不经意自爆仍属处女却一鸣惊人。君馨不后悔爆出私隐，只怪自己有个性感身躯，作为专业演员的她学会平衡心态，不抗拒性感演出之余，亦会继续坚守教条及自己的底线。撰文：罗美伦

在香港出世的王君馨，4岁与妈咪移民美国，在外国生活、读书，作风洋化开放，任谁都没想过这样背景的26岁年轻女子，会自爆多年来奉行没有婚前性行为的教条，娱乐圈竟有处女？不禁令人啧啧称奇，君馨一番话，掀起娱乐圈一阵处女热潮。问君馨自爆私隐可受困扰？她日前说：「冇喎，反而令其他人麻烦咗，大家问到孙耀威同苟芸慧好尴尬，冇人问我，其实我好细就有特别概念，如果我唔能够爱一个男仔爱得好深，唔会讲我爱你，亦唔可以同佢发生性关系，由细到大我视第一个男友就系结婚对象。」

分手保贞操
结果，君馨一直守住贞操，第二个男友亦因她拒绝有性行为而分手，君馨坦言：「呢个系白人男友，即使拍拖两个月，但觉得佢唔系我要嫁嘅男仔，当我拒绝佢时，佢发我脾气，佢好嬲点解深爱唔可以亲密啲呢？但我认为佢唔尊重我，嗰样嘢系咪真系咁重要？嗰时系庆祝拍拖两个月，反正觉得唔系我嫁嗰个，就分手罗。」第三个男友是她美国读大学时认识的台湾人，对方十分尊重她，一直保持纯洁关系，君馨说：「可能佢之前拍拖嘅女仔年纪都大过佢，攞咗佢嘅贞操，所以惊咗，咁最好，我话如果我唔同你结婚我唔会做呢啲嘢，佢好尊重我。」可惜最终因君馨要到香港发展事业，令感情告终。

君馨的处女论曝光，有人欣赏她的坦白，但亦有人质疑可信性，君馨自己都觉得令人难以置信：「喺第三者立场我都冇可能信，边有人5、6岁就认定唔为得你死嘅人就唔发生得关系?，呢啲系神畀我嘅概念去保护我，美国太多男仔，唔止拍拖三个男仔，仲有约会，但我觉得可以做老公至同佢拍拖，就算嗰时去玩、去跳舞，都好坚守呢样嘢，好多人尊重，唔尊重即筛走。」君馨试过被男人寸她似修女，受过多次伤害，她坦言：「我觉得要留畀老公唔系唔好嘅嘢罗，谂番如果将来结婚，望住老公对眼，话我留番最宝贵嘅嘢畀你，觉得好sweet！我幻想如果老公都系咁讲，留番畀我，咁几好呢！我会冧到爆！」

■君馨於《飞虎》中挑逗罗仲谦，她坦言多番NG拍得好辛苦。电视图片
■经过王祖蓝的教导，君馨（右）接受自己的性感特质，冲破心理障碍。

性感似有罪
其实君馨的处女论早在两年前面世，当日她向记者透露受浸，会遵守规条不会有婚前性行为，当时并没有特别效果，直至两个月前，她性感地出席活动再提自己是处女，即起了强大化学作用，她说：「我性格系开朗，钟意揽揽抱抱而被误会，但我唔会揽男仔，physical touch系我爱嘅语言，我伤心时你讲嘢安慰我未必感受到爱，但揽一吓即收到。」

为事业妥协
始终要继续在娱乐圈发展，就要有某程度的妥协，例如君馨早前拍新剧《法网嚣雄》，亦被要求泳装上阵，她在思想上已作调整：「场戏讲我落水捉海胆，上嚟出水芙蓉咁，原本我谂住着潜水衣，点知系要三点式，我咪当自己系安琪莲娜祖莉咁。」君馨在《飞虎》中有场挑逗罗仲谦的戏都拍得辛苦：「NG咗好多次，有啲过唔到自己，我都明白搵我因为形象切合性感，后来王祖蓝同我讲，君馨你唔可以抗拒性感，因为你系演员，你系表达紧嗰个角色，唔可以因角色觉得人哋点睇你，否则做唔到演员，之后我谂通，既然个天畀个好身形我，点解要抗拒呢？」自此君馨明白坚守底线之余，亦要学懂放开心理包袱，才能做到真正的表演者。发型：Mo of HH
化妆：Phoebe
服装：Amen Papa

新戏被强奸
■君馨是虔诚教徒，对不尊重她的追求者，都会即时筛走。

除了演戏，已是《舞动奇迹》舞后的君馨对音乐热诚亦很大，最近还开始写歌，她望不久的将来可出唱片做歌手，君馨说：「希望迟啲识个叻嘅填词人，将我嘅故事、歌，用好靓嘅文字表达出嚟，我好享受舞台，喺舞台唱歌、表演，系我下一个目标。」